CELENGANKU

Kober, 1 Mei 2012

Celenganku

Sekethip rong kethip wis  tak gegem

Sabar lan kulina

Eman  yen  dibukak tangan

Mesthi dadi ndadrah

Kabeh dadi polah

bakal ndadekake bubrah

Seperak rong perak mlebu bumbung

Saka kabeh panjangkahku

Saben tabuh wektu

Sithik-sithik anggone nyatu

Awit ya nembe kuwi sing tumuju

Sapa karep ayuh melu

Segelo rong gelo wis tikel dadi sayuta

Mesthi sabar lan temata

Ora gimir karo panggodha

Apa kang dadi panjangkah bakal tumeka

Siji loro wis katon ing mata

Wis ana ing urip kang raharja